مين شاف القفا اللى اتلسعه ( خالد داوود ) المتحدث باسم جبهة الإنقاذ من عمرو عبد الهادى ...
هههههههههههههههههههههههههههه
اللى حصل بالتفصيل إن الجزيرة كانت مستضيفة ( خالد داوود ) المتحدث باسم
جبهة الخراب ، واثناء الحوار تم عمل مداخلة تليفونية من الأستاذ ( عمرو عبد
الهادى ) المتحدث باسم جبهة الضمير ...، فى اول الحوار والأستاذ عمرو
بيتكلم عن شهداء مجزرة المنصة وذكر رقم الشهداء انه 500 . فاعترض ( خالد
داوود بشدة على هذا الرقم وقاله - ايه الأرقام دى 500 ايه انت بتألف
حاول المذيع يهدى الموقف وطبعا خالد داوود كان ثائر جدا مش عارف ليه مع إن
عمرو عبد الهادى كان لسه مقالش كلمتين على بعض ، فخالد داوود بيقول للمذيع
( ده بيهرج وبيقول اى كلام ) فعمرو سأل المذيع : هوا قال ايه ، هوا غلط فيا انا مسمعتش عشان كانوا قاطعين الصوت عنى فالمذيع قاله لا طبعا هوا مغلطش فيك .هوا بس متحفظ على الرقم وبيقول إن 500 رقم مبالغ فيه ...
فعمرو عبد الهادى قاله ... وانا معاك ولنفرض ان اللى مات واحد بس ، هوا مش
من الشعب المصرى ..، انا بس عايز اسأل الاستاذ خالد سؤال ، هما شهداء 30
يونيو يعتبروا شهداء طبعا خالد داوود والمذيع والضيف التانى اللى موجود وانا ذات نفسى اندهشت جدا وقلت ايه دا هوا عمرو بيهيس ولا ايه ... المهم المذيع قاله حضرتك تقصد شهداء ايه يا فندم عيد السؤال
فعمرو عبد الهادى قال انا بقول شهداء 30 يونيو دول يعتبروا شهداء ، وزادت حيرة خالد داوود ليسأل عمرو عبد الهادى بدهشة ، تقصد ايه انا مش فاهم سؤالك انت بتقول ايه
فعمرو عبد الهادى قاله لتالت مرة انا بسألك شهداء 30 يونيو انت بتعتبرهم شهداء
فاتنرفز خالد داوود بشدة وقاله شهداء 30 يونيه ايه ، هوا فيه حاجة اسمها شهداء 30 يونيو ... وعلق ايضا المذيع فى نفس لوقت وقال يا استاذ عمرو مفيش حد مات يوم 30 يونيو
فرد عمرو عبد الهادى بسخرية وقال: لما مفيش حد مات يوم 30 يونيو انت بتعتبرها ثورة ازاى ...
طبعا خالد داوود انتابته حالة عصبية هستيرية من القفا اللى اتلسعه وانا انتابتنى حالة هستيرية ايضا من الضحك
تعليقات
إرسال تعليق